Քահանայապետի խորհրդատու կարդինալներու 8-րդ նիստը` մամլոյ ասուլիս։
(Ռատիօ Վատիկան) Ս. Աթոռի մամլոյ գրասենեակի տնօրէնը` Յիսուսեան հայր ֆ.
Լոմպարտին, չորեքշաբթի 11 Փետրուար 2015-ի կէսօրին, մամուլին ներկայացուց Ս. Աթոռի
վերին վարչութեան բարենորոգումի` Քահանայապետի խորհրդատու ինը կարդինալներու 8-րդ նիստի
աշխատանքները որոնք եզրափակուեցան 11 փետրուարի երեկոյեան։ Նշենք որ այս մարմինը
հաստատուած է ֆրանչիսկոս Քահանայապետի կողմէ որպէս իրեն անմիջական օգնականներ տիեզերական
Եկեղեցւոյ կառավարութեան համար ու նաեւ սերտելու Ս. Աթոռի վերին վարչութեան սահմանադրութեան
բարենորոգումը։ Իր ելոյթին մէջ Հայր Լոմպարտին յայտնեց թէ 9 կարդինալներու մարմնի
յաջորդ ժողովը պիտի գումարուի յառաջիկայ 13-15 Ապրիլ 2015 ինչպէս նաեւ հաւանական է որ
անոր յաջորդէ այլ ժողով մը Յուլիս ամսուայ մէջ։ Հայր Լոմպարտին ապա յայտնեց թէ
Հինգշաբթի 12 փետրուարին տեղի պիտի ունենայ կարդինալական դասի վեհաժողովը ( Concistoro)
ֆրանչիսկոս Քահանայապետի ներկայութեամբ որուն ընթացքին կարդինալական դասին կը ներկայացուի
վերոյիշեալ 9 կարդինալներու խորհուրդի աշխատանքներու գործընթացը, հայող ինչպէս նշեցինք
Pastor Bonus առաքելական սահմանադրութեան վերատեսութեան որ կը ներփակէ նաեւ քահանայապետական
մի քանի խորհուրդներու միացումը մէկ մարմնի ներքոյ։